unevotoj.com, është një projekt i Lëvizjes MJAFT, i cili do të përpunojë informacion të bollshëm, të saktë, të paanshëm dhe të përshtatshëm për të gjithë qytetarët. Baza e të dhënave e unevotoj.com, do të mbulojë të gjithë kandidatët e formacioneve kryesore politike në disa kategori, si informacion biografik, qëndrim mbi çështjet të caktuara, financat e fushatës, etj. Gjithçka që do të duan të dinë votuesit në zgjedhjet e përgjithshme të vitit 2005 në Shqipëri do të jetë në dispozicion të tyre nëpërmjet kësaj librarie informacioni online të lehtë për t’u përdorur. Ky projekt ka për qëllim të mbështesë dhe të pajisë qytetarët shqiptarë me informacionin e nevojshëm për të kuptuar rrugën drejt demokracisë që meritojnë.
